Urdu Poetry & Ghazal by Qateel Shifai

The Poet Qateel Shifai – Beautiful Urdu Ghazal

---

Tere mehndi lage hathon pe mera naam likha hai

Ghazal by Qateel Shifai

Ghazal by Qateel Shifai

Tere mehndi lage hathon pe mera naam likha hai,

Zara se lafzz main kitna paighaam likha hai,

---

Yeh teri shaan ke shayaa’n nahin lekin majboori,

Teri masti bhari ankhon ko mene jaam likha hai,

---

Main shayar hoon, magar agey na barh paya riwayat se,

Labon ko pankhrri, zulfon ko mene shaam likha hai,

---

Mujhe maut aaye gi jab bhi tere pehluu main ayegi,

Tere gham ne bohat acha mera anjaam likha hai,

---

Meri qismat mein hai ik din griftaar-e-wafaa hona,

Mere chehre pe tere pyaar ka ilzaam likha hai,

---

Qateel ik khubsurat buut hai, main jis ka pujaari hoon,

Mere mazhab ke khaaney mein magar Islam likha hai..

---

Ghazal by Qateel Shifai • Urdu Poetry Ghazal • Tere Mehndi • Classic Urdu Shayari

---

Urdu Ghazal by Qateel Shifai

The Urdu Ghazal of Dard by Poet Qateel Shifai

---

Lamha Bhar Apna Hawaon Ko Bananay Waalay

Ghazal by Qateel Shifai

Ghazal by Qateel Shifai

Lamha Bhar Apna Hawaon Ko Bananay Waalay

Ab Na Aayein Ge Palat Kar Kubhi Jaanay Waalay

---

Kia Milay Ga Tujhe Bikhray Howay Khwaabon Ke Siwa ?

Ay Rait Pe Chaand Ki Tasveer Banaanay Waalay

---

Sab Ne Pehna Tha Baday Shoq Se Kaghaz Ka Libaas

Jis Qadar Loog Thay Baarish Mein Nahaanay Waalay

---

Mar Gaye Hum Tou Ye Qutbay Pe Likha Jaye Ga

So Gaye Aap Zamaanay Ko Jagaanay Waalay

---

Dar-o-Deewaar Pe Hasrat Si Barasti Hai “Qateel”

Jaanay Kis Dais Gaye Pyaar Nibhaanay Waalay ?

---

Ghazal by Qateel Shifai • Urdu Ghazal • Lamha Bhar • Dard Bhari Shayari

---